Majhi Ladki Bahin Yojana 2024 (मुख्यमंत्री माझी लाडकी बहीण योजना 2024) योजनेचे नियम पुन्हा बदलले, मुख्यमंत्री एकनाथ शिंदे यांनी केली मोठी घोषणा. राज्यातील महिलांना आर्थिकदृष्ट्या स्वावलंबी बनवण्यासाठी, तसेच त्यांच्या आरोग्य आणि पोषण स्थितीत सुधारणा करणे आवश्यक आहे त्यासाठी उपमुख्यमंत्री आणि अर्थमंत्री अजित पवार यांनी राज्याचा नवीन अर्थसंकल्प सादर करताना ‘मुख्यमंत्री माझी लाडकी बहीण’ या महत्त्वाकांक्षी योजनेची घोषणा केली.

Majhi Ladki Bahin Yojana 2024

मुख्यमंत्री माझी लाडकी बहीण योजना योजनेची घोषणा करताच या योजनेचा फायदा घेण्यासाठी महाराष्ट्रातील प्रत्येक जिल्ह्यात आणि तालुक्यात महिलांनी मोठ्या प्रमाणात सहभाग नोंदवला. राज्यातील विविध भागांमधून अर्ज भरताना काही अटी व शर्तींमुळे अडचणी येत असल्याच्या तक्रारी येत होत्या. या सर्व गोष्टींचा विचार करून मुख्यमंत्री एकनाथ शिंदे यांनी विधानसभा अधिवेशनात बोलताना काही नियम शिथिल केल्याचं सांगितलं. त्यामुळे लाभार्थी महिलांची संख्या वाढेल आणि जास्तीत जास्त महिलांना या योजनेचा लाभ घेता येईल.

Majhi Ladki Bahin Yojana 2024

मुख्यमंत्री लाडकी बहीण योजनेमध्ये केलेले बदल हे खालील प्रमाणे असतील.

मुख्यमंत्री माझी लाडकी बहीण योजनेसाठी कोण कोण लाभार्थी पात्र होतील, अर्ज कसा भरायचा, आवश्यक कागदपत्रे या संधर्भात अधिक व सखोल माहिती घेण्यासाठी येथे क्लिक करा

• या योजनेत अर्ज करण्याची मुदत आधी 1 जुलै 2024 ते 15 जुलै 2024 होती. आता ती मुदत वाढवून 31 ऑगस्ट 2024 पर्यंत करण्यात आली आहे. या मुदतीत अर्ज केलेल्या महिलांना 1 जुलै 2024 पासून दरमहा रु.1500/- आर्थिक लाभ मिळणार आहे.
• योजनेच्या पात्रतेसाठी आधी आधिवास प्रमाणपत्र आवश्यक होते. आता, लाभार्थी महिलेकडे आधिवास प्रमाणपत्र नसल्यास, त्यांनी 15 वर्षांपूर्वीचे रेशन कार्ड, मतदार ओळखपत्र, शाळा सोडल्याचे प्रमाणपत्र, किंवा जन्म दाखला यांपैकी कोणतेही एक दस्तावेज दिल्यास ते मान्य केले जाईल.
• या योजनेतून 5 एकर शेतीची अट काढून टाकली आहे.
• योजनेत लाभार्थी महिलांचा वयोगट आता 21 ते 65 वर्ष असा करण्यात आला आहे, पूर्वी हा वयोगट 21 ते 60 वर्ष होता.
• महाराष्ट्रातील पुरुषाशी विवाह केलेल्या परराज्यातील महिलांसाठी त्यांच्या पतीचे जन्म दाखला, शाळा सोडल्याचे प्रमाणपत्र, किंवा आधिवास प्रमाणपत्र यांपैकी कोणतेही एक दस्तावेज मान्य असेल.
• रु.2.5 लाख उत्पन्न दाखला उपलब्ध नसल्यास, पिवळे किंवा केशरी रेशन कार्ड असलेल्या कुटुंबांना उत्पन्न दाखला प्रमाणपत्रातून सुट देण्यात आली आहे.
• कुटुंबातील एका पात्र अविवाहित महिलेलाही या योजनेचा लाभ मिळू शकतो.

मुख्यमंत्री माझी लाडकी बहिण योजनेसाठी ऑनलाईन अर्ज कसा करावा

मुख्यमंत्री माझी लाडकी बहिण योजनेसाठी सरकारने एक ॲप लाँच केले आहे. महाराष्ट्र सरकारने सुरू केलेल्या या ॲपच्या माध्यमातून महिलांना लाडकी बहिण योजना साठी अर्ज करता येणार आहे. हा ॲप पात्र महिलांसाठी योजना नोंदणी व लाभ मिळविण्यासाठी एक इंटरफेस म्हणून कार्य करतो. महिलांनी सरकारी कार्यालयांना भेट देण्याची गरज वाटू नये, यासाठी सरकारने हे सॉफ्टवेअर जारी केले आहे. ॲप महिलांना सोपी अर्ज प्रक्रिया उपलब्ध करून देतो.

माझी लाडकी बहीण योजनेचा अर्ज थेट App वरून | Mazi Ladki Bahin Yojana App | Narishakti Doot App 2024 जाणून घेण्यासाठी येथे क्लिक करा

 

मुख्यमंत्री माझी लाडकी बहीण योजना 2024 मध्ये वारंवार विचारले जाणारे प्रश्न(Frequently Asked Questions- FAQ)

1.मुख्यमंत्री माझी लाडकी बहीण योजनेचे लाभार्थी कोण असतील?

उत्तर: विवाहित, विधवा, घटस्फोटित, परित्यक्त्या आणि निराधार महिलांना या योजनेचा लाभ मिळू शकतो.

2. योजनेचा लाभ घेण्यासाठी वयाची मर्यादा किती आहे?

उत्तर: अर्जदाराचे वय २१ ते ६५ वर्षे दरम्यान असावे.

3. मुख्यमंत्री माझी लाडकी बहीण योजना म्हणजे काय?

उत्तर: राज्यातील सर्व महिला ज्यांचं वय २१ ते ६५ या वयोगटामध्ये आहे त्या सर्व महिलांना महिन्याला दीड हजार रुपये देणारी ही योजना आहे.

4. लाभार्थी कुटुंबाचे वार्षिक उत्पन्न किती असावे?

उत्तर: वार्षिक उत्पन्न रु. २.५० लाखापर्यंत असावे

5. मुख्यमंत्री माझी लाडकी बहीण योजनेचे फायदे काय आहे ?

उत्तर: महिलेला तिच्या आधार लिंक केलेल्या बँक खात्यात दरमहा रु. १,५००/- जमा केले जातील

महत्त्वाची माहिती (mahasandesh)

प्रिय मित्रांनो आणि कुटुंबीयांनो,

तुमच्यासाठी रोजच्या नोकरीविषयक, सरकारी योजना, महत्त्वाच्या बातम्यांची, मनोरंजन आणि क्रीडा विषयक माहिती देणारा mahasandesh (महासंदेश) ब्लॉग तयार केला आहे. या अपडेट्स सहज मिळवण्यासाठी https://mahasandesh.com/ या संकेतस्थळाला भेट द्या.

कृपया ही महत्त्वाची माहिती तुमच्या मित्रांसह आणि नातेवाईकांसह शेअर करा, ज्यायोगे त्यांनाही उपयुक्त ठरेल.

सर्वात ताज्या अपडेट्स सहज मिळवण्यासाठी आणि आमच्या नवीनतम अधिसूचना वेळेवर जाणून घेण्यासाठी आमच्या सोशल मीडिया प्लॅटफॉर्म्सवर आम्हाला जॉइन करा.

सोशल मीडिया प्लॅटफॉर्म्सवर आम्हाला जॉइन करण्यासाठी येथे क्लिक करा.

येथे क्लिक करा